فنان مصري يتبرع بـ 3 ملايين جنيه لصندوق تحيا مصر
محمد قناوي – القاهرة
تبرع اليوم الفنان المصري ياسر جلال لصندوق تحيا مصر بمبلغ ثلاثة ملايين جنيه واصدر بيانا قال فيه ” بسم الله الرحمن الرحيم ..احنا النهاردة 11 يناير 2023 باعلن تبرعي بمبلغ 3 مليون جنيه لصندوق تحيا مصر ، انا اللي معايا مش كتير اوي علشان استقطع منه المبلغ ده عشان اتبرع بيه بس انا عملت كده عشان بلدي ، واقسم بالله ما حد قالي اعمل كده ولا حد قالي اطلع اقول الكلام ده”
واضاف ياسر جلال : المرة ديه بعلن عن الجهة والمبلغ اللي اتبرعت بيه، لأني بتمنى إن كلنا نشترك، ونعمل اللي نقدر عليه، وبدعي زملائي النجوم أنهم يتبرعوا باللي يقدروا عليه، عارف إن في منهم عمل الموضوع قبل كده، بس لو عملوا ده تاني يبقي شيء عظيم”.
وتابع ياسر جلال: يعلم ربنا إن السبب اللي خلاني أعمل كده هو الأزمة اللي بتمر بيها مصر دلوقتي، أنا راجل لا غاوي شهرة ولا نجومية، أنا بشتغل وبخلص شغلي وبروح أقعد مع مراتي وأولادي، وبعمل ده لأن كلنا شايفين إن البلد بيمر بأزمة كبيرة، والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض”
ياسر جلال يقوم حاليا بالتحضير لمسلسله الجديد “علاقة مشروعة” استعدادا لدخول مواقع التصوير، مؤكدا أنه سوف يبدأ تصوير خلال الأيام المقبلة وتشاركه البطولة النجمة مي عمر ويمثل التعاون الثاني بينه وبين الفنانة مي عمر بعدما قدما سابقاً مسلسل “الفتوة”، وينتمي العمل الجديد إلى نوعية مسلسلات الـ15 حلقة، وتدور أحداثه في إطار اجتماعي رومانسي، وتم التعاقد حتى الآن مع كل من خالد الصاوي وبسمة للمشاركة في البطولة.
وكان ياسر جلال يستعد لتقديم مسلسل “الف ليلة وليلة” وبعد تحضيرات استمرت عدة شهور قامت الشركة المنتجة باتخاذ قرار بتاجيل العمل الي 20224 فاضطر ياسر جلال لاصدار بيان صدفي أعلن فيه اعتذاره عن عدم المشاركة ببطولة مسلسل ألف ليلة وليلة، وكشف ياسر جلال أن القائمين على صناعة العمل تفهموا قراره، متمنياً النجاح والتوفيق لكل صناع المسلسل والشركة المنتجة ويضم مسلسل ألف ليلة وليلة العديد من الفنانين، منهم: نور اللبنانية، ياسمين رئيس، أحمد ماهر، شيري عادل، مايان السيد، محمد رياض، والمسلسل من تأليف أنور عبد المغيث، وتحت قيادة المخرج إسلام خيري، وإنتاج شركة أروما وشركة ميديا هب.
يذكر أن آخر أعمال ياسر جلال، مسلسل الاختيار 3 فى رمضان الماضي، وحقق نجاحا كبيرا، شاركه البطولة أحمد السقا وكريم عبد العزيز، وعدد كبير من نجوم الفن
